Жалолиддин Машариповнинг қайси клубга ўтиши аниқ

Ўзбекистон миллий терма жамоаси ва "Пахтакор" клуби ярим ҳимоячиси Жалолиддин Машарипов тез орада легионерга айланади.

SPORTS.uz сайтига маълум бўлишича, футболчи шартнома имзолаш учун хорижга жўнаб кетган. ЎФА ва ПФЛ томонидан ўтказилган "йилнинг энг яхшилари"ни тақдирлаш маросимида Машарипов чет элга йўл олгани боис унинг ўрнига отаси иштирок этди. Футболчининг отаси сайтимизга берган интервьюсида ўғли Саудия Арабистонининг "Ал Наср" клубига ўтаётганини айтди.

Жалолиддин Машариповнинг трансфери ҳал бўлди. Бу ҳақда футболчининг ўзи SPORTS.uz сайтига берган интервьюсида маълум қилди

IMG_1372

Бир неча кун аввал эса Жалолиддиннинг ўзи трансфери 90 фоизга ҳал бўлганини маълум қилганди. Демак, энди ҳамюртимиз шартнома имзолагани Саудия Арабистонига йўл олган.

Воқеалар ривожини SPORTS.uz сайтида кузатиб боринг!

Матнда хатолик топсангиз, ўша хатони белгилаб, бизга жўнатинг (Ctrl + Enter)