Жамшид Саидов: Қизил карточкадан кейин ҳаммаси ўзгариб кетди

“Бухоро”нинг сафарда “Андижон”га қарши учрашувидан кейин меҳмонлар бош мураббийи Жамшид Саидов журналистларнинг саволларига жавоб қайтарди.

- Бугунги ўйинда футболчимизнинг майдондан четлатилгани барча режамизни ўзгартириб юборди, - дейди Саидов. - Аслида бизнинг ушбу беллашувга тузган режаларимиз бошқача эди. Лекин қизил карточка сабабли ҳаммаси ўзгариб кетди. Яна нима дейишим мумкин? Мағлубият доим аламли.

- “Андижон”да ишлаган мураббий сифатида собиқ жамоангизни яхши биласиз. Уларнинг ўйини ҳақида нима дея оласиз?

- Албатта, “Андижон” жамоасида ишлаганим сабабли бу ердаги футболчиларни яхши билардим. Улар жарима зарбасидан чиройли гол урди. Биз ҳам ёмон ўйнамаётгандик. Бироқ қизил карточкадан кейин ҳаммаси ўзгариб кетди. “Андижон”ни яхши билганимиз боис шунга яраша тайёргарлик кўргандик. Мазкур ўйин эса, олти очколик аҳамиятга эга эди. Энди кейинги ўйинларга яхшироқ тайёргарлик кўриб, ғалабалар қозонишга ҳаракат қиламиз.

- Дарвозабонни алмаштирилиши нима билан боғлиқ?

- Дарвозабон ярим жамоа, деган гап бор. Асосий посбонимизда ўзига ишонч тўлиқ бўлмагандек эди, шу боис уни алмаштирдик.