Жанни Инфантино футбол нимага мухтожлигини айтди
Халқаро футбол федерацияси (ФИФА) раҳбари Жанни Инфантино ҳакамларга видео ёрдамчилар (VAR) тизимини босқичма-босқич жорий қилиш лозимлиги ҳақида гапирди.
«2017 йилда видеотакрорлар тизимисиз футболни тасаввур қилолмаймиз. Уни барча чемпионатларда зудлик билан йўлга қўйиш керак. Ҳакамларга техник ёрдам зарур. Биз VAR тизимини анчадан буён синовдан ўтказяпмиз. Аммо унинг қачон ҳамма жойда йўлга қўйилишини билмаймиз» - деди Инфантино Лондонда ўтказилаётган ФИФА тадбирида.
Эслатиб ўтамиз, ўтган йили март ойида ФИФА VAR тизими учун икки йиллик синов даврини эълон қилган эди.
Тизим 2016 йилда ўтказилган клублар ўртасидаги жаҳон чемпионатида, шунингдек 2017 йилдаги Конфедерациялар кубогида амалда қўллаб кўрилди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар