Жастин Гэтжи: Фергюсонни 18 дақиқалик дўзах ва ғазаб кутмоқда

UFC 249 доирасида Хабиб Нурмагомедовнинг ўрнига Тони Фергюсонга қарши жанг қилиши маълум бўлган Жастин Гэтжи ўз фикрларини билдириб ўтди.

"Менда 18-19 дақиқа тоза дўзах ва ғазаб бўлади. Мен қандай кучли зарбага эга эканлигимни яхши биламан.

Фергюсон билан жанг қийин бўлади. Ҳозирда, мен 90 фоиз тайёрман, жанггача бу кўрсаткич 95 фоизгача ўсиши керак.

Вужудимни қаттиқ назорат қиляпман. Сўнгги 10 кун ичида 5,5 кг вазн ташладим. Октагонга кўтарилганимизда ҳар доимгидек 100 фоиз боримни бераман.

Одамлар бошқаларнинг саъй-ҳаракатларини қадрлашади ва мен сизга ваъда бераман, бор кучимни ишга соламан," - деди Гэтжи.