Жавлонбек Йўлдошев: "Жангларим шунчаки даҳшат бўлди"!

Бокс бўйича катталар ўртасидаги Ўзбекистон чемпионати бўлиб ўтди. 67 килограммгача бўлган вазн тоифасида чемпионликни қўлга киритган Жавлонбек Йўлдошев ўз фикрлари билан ўртоқлашди.

-Шу кунга қадар нечта вазн тоифасида иштирок этгансиз?

Катталар ўртасида ўтган йили 69 килограмгача бўлган вазн тоифасида жанг қилгандим. Бу йил 67га қайтдим.

-Рақибларингиз кучли эди. Ҳар бир жанг шиддатли ўтди. Булар ҳақида нима дея оласиз?

-Жангларим шунчаки даҳшат бўлди. Ҳамма рақибларим менга қарши қаттиқ тайёрланган, деб ўйладим. Айниқса, иккинчисида бироз қийналдим. Илк раундда унча очила олмадим. Худога шукр, иккинчи ва учинчи раундларда ҳаммаси мен кутгандек бўлди.

-Финал жанги ҳақида нима дея оласиз?

-Жаҳонгир Раҳмонов билан аввал ҳам жанг олиб борганман. Унда ҳам ғалаба қозонгандим. Мана, бугун ҳам ютдим.

-Профессионал фаолиятга эътибор қаратяпсизми?

-Ният бор. Худо хоҳласа, катта ареналарда, олимпиадаларда муносиб иштирок этиб, ундан сўнг профессионал фаолият олиб бормоқчиман.