Жавоҳир Сидиқов: Рақиб кучли бўлмасин, ҳамма билан футбол ўйнаса бўлади

“Навбаҳор”-“Қўқон-1912” учрашувидан кейин қўқонликлар етакчиси Жавоҳир Сидиқов Ўзбекистон миллий терма жамоасининг Уругвайга қарши кечган ўйинни борасида ўз фикр мулоҳазалари билан ўртоқлашди. Бу ҳақда клуб матбуот хизмати хабар бермоқда.

"Дунё юлзуларига қарши майдонга тушдик. Лекин футболчи ўйинга тушдими фақат ўша ўйин ҳақида ўйлаши керак деб ўйлайман. Бунинг устига терма жамоа сафида майдонга тушганда, Ватан шаънини муносиб ҳимоя қилиш лозим. Таассуротлар зўр. Суперюлдзулар билан ўйнадик. Аммо унутмаслик лозимки, рақиб қанчалик кучли бўлмасин, ҳамма билан футбол ўйнаса бўлади", - деб айтиб ўтди Сидиқов.