ЖЧ-2022. Луис Энрике: "Қизим айнан шу кунда 13 ёшга тўлган бўларди..."

Испания бош мураббийи Луис Энрике Германияга қарши (1:1) ўйиндан сўнг вафот этган қизини эслади:

"Хана беш ой давомида суяк саратони билан курашиб келган. У 2019 йил августда вафот этганди. Бугун мен ва оилам учун муҳим кун. Сабаби, қизим айнан шу кунда 13 ёшга тўлган бўларди. Тўғри, Хана ҳозир йўқ. Бироқ у доимо қалбимизда. Ҳаёт шундай.

Охирги ўйинда Японияни ютиб, биринчи ўрин билан чиқамиз. Бунга тўлиқ ишонамиз", - деди испаниялик мутахассис.

Маълумот учун, Испания ўз гуруҳида 4 очко билан 1-ўринда, Германия эса 1 очко билан гуруҳнинг сўнгги поғонасида бормоқда.