ЖЧ финалини ким бошқариб бориши маълум бўлди

Жаҳон чемпионати финал учрашуви доирасидаги Аргентина ва Франция терма жамоалари баҳси учун ҳакамлар тайинланди. Уни польшалик Шимон Марциняк бригадаси бошқариб боради.

Жаҳон чемпионатида Шимон иккита учрашувда ишлади. Унга гуруҳ босқичидаги Франция - Дания (2:1) ҳамда 1/8 финал доирасидаги Аргентина - Австралия (2:1) учрашувлари ишониб топширилганди. Кўриб турганингиздек, ушбу рефери финалчиларнинг ўйинларидан бехабар эмас.

Испаниялик Антонио Матеу Лаос жаҳон чемпионати финалида ишлаш учун фаворит ҳисобланган эди, бироқ у Аргентина – Нидерландия учрашувида ёмон баҳо олди ва бу борадаги имкониятларини пасайтирди.

Эслатиб ўтамиз, 18 декабрь, якшанба куни жаҳон чемпионати финали бўлиб ўтади. Учрашув Тошкент вақти билан 20:00да старт олади.