"Женоа" бош мураббийи "Милан"га қарши ўйин олдидан нималар деди?

"Женоа" устози Роландо Маран Италия А Серияси 12-тури "Милан"га қарши баҳс олдидан матбуот-анжуманида ўйин ҳақида фикрлари билан ўртоқлашди.

"Мен гол ўтказиб юборганимиздан сўнг ҳам, ҳамжиҳат бўлиб вазиятдан чиқиб кетишни йигитлардан илтимос қилдим. Агар биз буни уддалай олсак, "Милан" билан баҳсда сўнгги икки ўйиндан кўра кўпроғини қўлга киритишимиз мумкин.

Пиоли ва жамоанинг уюшиб ишлаши ортидан "Милан" муваффақиятга эришмоқда. Улар сўнгги трансфер ойнасида қатор яхши харидларни амалга оширди. Улар қийин даврларни сабр билан ўтказишди ва охирида ўзларининг ютуқли картасини кўрсатди. Бу ерда яхши спорт ишлари ва Пиолининг маҳорати ҳам бирлашди", - дейди Маран.

"Женоа" "Милан" баҳси бугун Тошкент вақти билан соат 00:45 да бошланади.