"Женоа" бош мураббийи "Сассуоло"га қарши ўйиндан сўнг Шомуродов ҳақида нималар деди?

"Женоа" устози Давиде Баллардини Италия чемпионати 16-турида "Сассуоло"дан учралган мағлубиятдан сўнг, жамоа аҳволи ва кейинги режалари ҳақида гапириб ўтди.

"Ғалаба қозона олмадик, бироқ бугунги ўйинимиздан қониқдим. Гол уриш учун қатор имкониятлар бўлди, рақибга етарлича қаршилик кўрсатдик, аммо бизга нимадир етмади. Энди тўпни яхшироқ ушлаб туришимиз ва бир жамоа бўлиб ўйнашда давом эттишимиз керак.

"Женоа" 16 турдан сўнг 11 очко тўплади. Мен турнир жадвалига эмас, "Болонья"га қарши бўладиган баҳсга эътибор бераман.

Элдор Шомуродовни майдонда кўриш ёқимли, бироқ у итальянчани яхши тушунмайди. У билан фақатгина инглизча гаплашиш мумкин. Элдор яхши ўйнади, аммо бу ҳақида ортиқча гапирмоқчи эмасман", - дейди Баллардини.