“Jenoa” Evroda g‘olib chiqqan Italiya termasidan o‘rnak oladi

“Jenoa” tarkibida A Seriya o‘yinlariga tayyorgarlik ko‘rayotgan tajribali himoyachi Andrea Masiello yangi mavsumda yuqori darajada o‘ynay olishini ta’kidlamoqda. Bu borada u Italiya terma jamoasi natijalaridan ilhomlanayotganini ma’lum qildi.

- Men o‘zimni yaxshi his qilyapman va nega bunday vaziyatda faoliyatimni to‘xtatishim kerak? Biz xuddi Italiya terma jamoasiga o‘xshab o‘ynasak, maqsadimizga etamiz. Men yangi to‘qnashuvlarga tayyorman. Yoshim 35da ekaniga qaramay, xuddi Kellini Evropa chempionatida o‘zini ko‘rsatganidek, kurashishga qodirman, - dedi Andrea Masiello.

Masiello o‘tgan mavsumda genuyaliklar tarkibida 30 ta uchrashuvda ishtirok etdi.