Жиру Германияга қарши ўйинни ўтказиб юбориши мумкин

Франция терма жамоаси ҳужумчиси Оливье Жиру Уэльсга (2:0) қарши бўлиб ўтган ўртоқлик ўйинидан сўнг сон мушакларидан олган жароҳати ҳақида айтиб ўтди.

Эслатиб ўтамиз, “Арсенал” футболчиси учрашувнинг 74-дақиқасида гол урган ҳамда орадан 2 дақиқа ўтиб майдонни тарк этган эди.

“Бу унчалик жиддий бўлмаган жароҳат. Мен ушбу ўйиндан олдин керакли муолажаларни қилдим ва бу менга ўйнаш имконини берди. Германияга қарши ўйинга келадиган бўлсак, бу ҳақда ҳозирча бирон нима дея олмайман”, - дейди Жиру.

Маълумот учун, Франция терма жамоаси 14 ноябрь куни Германияга қарши ўртоқлик ўйини ўтказади.