Жорди Альба АПЛ грандларининг жиддий қизиқишларига сабаб бўлмоқда

Каталониянинг "Барселона" клуби ҳимоячиси Жорди Альбага бир вақтнинг ўзида икки инглиз гранди жиддий қизиқиб қолди.

Sport.es тарқатган хабарга кўра 29 ёшли испаниялик футболчини "Челси" ҳамда "Манчестер Юнайтед" клублари кўз остиларига олиб қўйишган. Ушбу икки АПЛ гранди Альбанинг Каталония супер клуби билан янги шартнома имзолаш бўйича келиша олмаётганидан фойдаланиб, унга молиявий томондан фойдали таклиф билан мурожаат қилишмоқчи.

Маълумот учун, Альба якунига етган мавсум “Барселона” сафида жами 48та учрашувда иштирок этган ва ўз ҳисобига 3та гол ҳамда 12та голли узатма ёздириб қўйишга эришган.