Жозе Моуриньо: Месси - даҳо

"Манчестер Юнайтед" клуби собиқ бош мураббийи Жозе Моуриньо "Барселона" форварди Лионель Месси ҳақида ўз фикрларини билдириб ўтди.

“Мен уни жуда катта жараённи бошдан кечирган футболчи сифатида кўраман. У имкон қадар жамоасига кўпроқ фойда келтиришни хоҳлайди.

Фаолиятим давомида у билан яқин бўлиш менга насиб этгани бу менинг омадимдир. У ўзининг дебют учрашувини менинг бошқарувимдаги “Порту”га қарши ўтказган. Шунингдек “Реал”да ишлаган пайтларимда ҳам менинг жамоамга қарши кўп ўйнаган.

Месси кундан-кунга кучайиб бормоқда. Унга энг муносиб сўз бу – даҳо”, - дейди португалиялик мутахассис.