Жозе Моуриньо мураббийларга Роналдуни бошқаришни ўргатди!

“Манчестер Юнайтед”да бош мураббий Эрик тен Хаг ва жамоанинг асосий юлдузи Криштиану Роналду ўртасида келиб чиққан зиддият кўпчиликка Жозе Моуриньонинг жаҳон футболида нуфузли футболчилар билан ишлаш ҳақидаги фикрларини эслатиб юборди.

Португалиялик мутахассис берган интервьюсида жаҳон даражасидаги ижрочилар билан ишлашнинг ўзига хос жиҳатларини тилга олган.

Роналдуга “Реал”да устозлик қилган Жозе Моуриньо шундай деган эди:

- Агар сен топ-ўйинчиларни бошқара олмасанг, умуман бирор жойда мураббийлик қилолмайсан. Мураббий учун қўл остидагиларни футбол ўйнашга ўргатиш керак эмаслигини тушиниб етиш жуда муҳим.

Сен Роналдуни жарима зарбасини қандай беришга, Иброҳимовични кўкракда тўпни қандай тўхтатишга, Дрогбани ҳавода қандай гол уришга ўргата олмайсан.

Сенинг асосий вазифасинг уларни аниқ бир жамоада қандай ҳаракат қилиш ва шунга яраша ўйнашни ўргатишдан иборат, - деди Жозе Моуриньо.

Фикрлар

Фикр қолдириш учун авторизациядан ўтинг!