Жозе Моуриньо: "Олтин тўп" Мессини кутмоқда

Португалиялик мутахассис Жозе Моуриньо "Барселона" форварди Лионель Месси ҳақида ўз фикрини билдириб ўтди.

“Месси “Манчестер Юнайтед” дарвозасига 2та гол урди. У ҳар доим 2тадан уряпти. Биз уни худди “Манчестер Юнайтед”га қарши ўйинда бўлгани каби ҳар қандай учрашув тақдирини ўзгартира олишини биламиз. У ўзига бўшлиқ яратиб олдинга борди ва дриблинг ишлатиб дарвоза томон зарба берди – 1:0. Ўйин тақдири сенинг қўлингда.

Месси ажойиб мавсум ўтказяпти. У Роналду “Ювентус” билан бирга мусобақадан чиқиб кетгани ва “Олтин тўп” уни кутаётганини билади”, - дейди Моуриньо.

Маълумот учун, 31 ёшли аргентиналик футболчи жорий мавсум “Барселона” сафида жами 45та ўйинда иштирок этди ва ўз ҳисобига 46та гол ҳамда 22та голли узатма ёздириб қўйишга эришди.