Каннаваро Ўзбекистон ўйинидан сўнг Роналдудан норозилигини билдирди

"Жаҳон чемпионати–2026" доирасида Португалияга қарши ўйиндан (0:5) сўнг Ўзбекистон терма жамоаси бош мураббийи Фабио Каннаваро жамоа нега Криштиану Роналдуни тўхтата олмагани ҳақида фикр билдирди.

— Роналдуга бир сантиметр ҳам бўш жой қолдириб бўлмайди. Агар шундай имконият берсангиз — тамом, йўқсиз. Биз икки голни жуда эрта ўтказиб юбордик. Энг аламлиси, айнан ўша ҳолатлар орқали гол ўтказдикки, ўйинчиларни шу ҳақда олдиндан огоҳлантирган, шу нарсага тайёрлаган эдим. Португалияга қарши ўйнаётганда, марказда ҳам, қанотларда ҳам шунчалик кучли рақибга қарши майдонда ҳаракат қилиш анча қийинлашади. Биринчи ўйин билан таққослаганда, бу сафар Португалия жуда катта мотивация билан майдонга тушганини кўрдим, — деди Каннаваро.

Эслатиб ўтамиз, "ЖЧ–2026" гуруҳ босқичининг сўнгги турида Ўзбекистон терма жамоаси ДР Конго термасига қарши майдонга тушади.