Карим Бензема жаҳон чемпионатида ўйнай олмаслиги ҳақида нималар деди?

Франция терма жамоаси ҳужумчиси Карим Бензема жароҳати сабаб мундиалда иштирок эта олмаслиги ҳақида ижтимой тармоқларда пост қолдирди.

"Ҳаётимда ҳеч қачон таслим бўлмаганман, лекин бугун доимгидек жамоа манфаати ҳақида ўйлашим керак. Терма жамоага муваффақиятли жаҳон кубоги ўтказишга ёрдам берадиган бошқа футболчига жойимни бўшатиб бераман. Далда бериб ёзаётган барчага раҳмат", - деди франциялик форвард.

Маълумот учун, Бензема чап сонидан олган жароҳати сабабли жаҳон чемпионатида қатнаша олмайди.