Каримни бу мавсум тўхтатиб бўлмаяпти!

Франция терма жамоаси Миллатлар Лигаси ярим финалидан ўрин олган бахсда Бельгияни 3:2 ҳисобида мағлуб этди. Мазкур учрашувнинг 62-дақиқасида Карим Бензема гол уришга муваффақ бўлди.

"Қаймоқранглилар" форварди бу мавсумда терма жамоа ва клуб сафида умумий 14 та ўйинда майдонга тушиб, 11 та гол ва 8 та голли узатма амалга оширишга муваффақ бўлди.

Айни дамда 33 ёшли форвард Ла Лигада 9 та гол ва 7 та ассистни ўз ҳисобига ёздириб қўйган ҳолда, ҳар иккала кўрсаткич бўйича энг яхшиси бўлиб турибди.

Маълумот ўрнида, 10 октябрь санасида Дешам шогирдлари Миллатлар лигаси финалида Испанияга қарши майдонга чиқади.