Карло Анчелотти: "Кросс каби футболчининг йўқлиги албатта билинади"

Карло Анчелотти "Реал Мадрид"да Тони Кроос каби футболчи йўқлиги ҳақида гапириб ўтди.

"Албатта сизнинг жамоангизда Кросс каби футболчи бўлса, ўзингизни бошқача ҳис қиласиз. Яъни кейинги учрашув учун режа тайёрлаганингизда нисбатан хотиржамроқ бўласиз. Унинг йўқлиги доимо билинади. Буни тан оламан албатта.

Айни пайт Модричда беллашувни назорат қилиш ҳислати жамланган. Камавингада ажойиб универсаллик мавжуд. Валверде ва Беллингемда яхши пас бера олиш ва ўйинни ўқий олиш қобилияти бор. Шунингдек, Чуамени биз учун икки карра муҳим", - деди "Реал" бош мураббийи.