Каррерас: "Хаби Алонсони дриблинги Ямалникидан яхшироқ"

Мадриднинг "Реал" клуби қанот ҳимоячиси Алваро Каррерас "эл класико"дан кейин мухбирнинг "Барселона" вингери Ламин Ямал ҳақидаги саволига жавоб қайтарди.

- Алваро, Ламин Ямални қандай қилиб тўхтатдингиз?
- Мен унчалик ҳаракат қилмадим ҳам, мураббийимиз Алонсонинг машғулотлардаги дриблинги уникидан яхшироқ (кулади), - деб жавоб берди Каррерас ўйин тугагандан сўнг флеш-интервьюда.

Эслатиб ўтамиз, ўйин олдидан Ямал "Реал" шаънига айтилган кескин сўзлар туфайли можаро марказида бўлган эди. Ўйин давомида Мадрид клуби футболчилари ўз норозиликларини намойиш қилмоқчи бўлишди ва майдонда ёш футболчининг "оғзини ёпишга" ҳаракат қилишди. Финал ҳуштагидан сўнг ўйинчилар ўртасида можаро келиб чиқди, унда Ямал яна диққат марказида бўлди.