Катанецга ишониш қанчалик тўғри? Бундай одамлар якунда мукаммал даражада ўз ниятига эришади ёки катта муваффақиятсизликка учрайди

Бугун бош мураббий Сречко Катанец билан матбуот анжумани бўлиб ўтди. Жуда қизиқ фикрларни билдириб ўтди "коуч". Рақобат бўлиши керак эмаслиги, Искандеровнинг услуби Камерунга қарши тўғри келмаслиги борасида ғалати гаплар янгради мен учун. Шомуродов тўғрисидаги гапларга ўрганиб қолдик, майли. У сардор, у ТОП-5 чемпионатда ўйнайди (захирада экани қизиқ эмас). Ўзи Катанец ноодатий қарорлар бўйича анча эътиборни торта олди. Шунингдек, ўта консерватив экани ҳам турли шубҳали фикрларга сабаб бўлмоқда.

Масалан, у Темурхўжа Абдуҳолиқов ҳақидаги саволга "олдин футболчи билан ишламагани, унинг мослашиши кўп вақт талаб қилиши"ни айтиб ўтди. Мураббий селекция жараёнида кимгадир имкон бермасдан туриб, унинг даражасини қандай аниқлаб олиши мумкин. Бу худди ишга олинаётган янги кадрдан "тажрибанг борми?", - деб сўрагандек ҳолат эмасми?

темурхўжа

Рақобат ҳақидаги жойига. Катанец рақобатни эмас, ишончни устун қўйишини айтиб ўтди. Ўзи ишонч билдирган, танийдиган ва бирга ишлаган футболчиларни маъқул кўришини маълум қилди. Шу сабаб у кўпчиликнинг салбий муносабатига сабаб бўлди. Аввалдан у таваккалчи одам эмаслиги, ўта эҳтиёткорлигини билдириб қўйганди. Одатда, бундай одамлар якунда мукаммал даражада ўз ниятига эришади ёки ўта катта муваффақиятсизликка учрайди. Биз биринчи вариант бўлиши тарафдоримиз, албатта. Аммо иккинчиси бўлса, Катанец яна "мен ўз ишимни қилдим", - дея олармикин?

Искандеров борасида у ўйин услуби тўғри келмаслиги, жисмоний томондан ҳам африкалик футболчилар уни "еб қўйиши" ҳақида гапирди. Бир томондан тўғри фикрлар. Аммо виза ҳақида гапириб, Сречко имкон бўлса, Жамшидни чақиришини ҳам рад этмади. Бу борада у қарор қилмаган. Мутахассис шунга мажбур бўлган, катта эҳтимол.

жама

Остон Ўрунов ва Шаҳбоз Умаров тўғрисида.  Бу икки футболчи ўйин амалиёти борасида "даҳшатли" кўрсаткичларга эга. Бири трансфер машмашаси сабаб энди янги жамоага кўчиб ўтган бўлса, иккинчиси захирадан ўйинни кучайтиришда қўл келиши мумкин. Бошқачасига тасаввур қилиб бўлмади. Мураббий икки ярим ҳимоячини истиқболи порлоқ эканига ишонади. Буни олдин ҳам айтиб ўтганди. Унга ишонч билдирилиши ва йигитлар буни оқлашига Сречко ҳозирча шубҳа қилмаяпти. Кўрамиз, вазият қандай тус оларкин?!

остон  

Ёшлар футболи борасида мутахассис нотўғри фикр билдирмаган, деб ўйлайман. Бу ўзбек футболининг оғриқли нуқталаридан бири бўлиб келган. Улар натижа қайд этади, тўғри. Аммо шундан сўнг дарҳол "кўздан ғойиб бўлади". Катанец шу нарсалардан хабардор экани эътиборга молик.

 

Шоҳрух Зоиров мақоласи.

Фикрлар

Саралаш
Фикр қолдириш учун авторизациядан ўтинг!
&
Shaymardonov Nurbek Nasimovich
19/09/2022 22:47
Jamshid haqiqatdan. yahshi uynayapti. lekin bir narsani unitmaylik. urtaga raqobat kuchli. keyin Jamshid. katta temp uyinlarga yoqolib qoladi. masalan. Navbahor Quqon bilan uyinga 2 taym. Jamshid maydonga qerga borishini ham nima qilishi ham unitib. quydi. yoki lokaga uynagan vaqti ham unchalik darajasi fahima emas. yomon demoqchi emas. shunchaki fahima qiladigan darajaga emas. keyin. boshqa uyinchilarni aytishni. sahal uylap aytishdi. ayrim aytkan uyinchilar kucha fudbolidaki bolalar pala partish ur tep maydonag yugur faqat. deydigan klublanikidan. sahal. tafsiya qilguncha. uylash ham kerak. fudbol uzi nimalegini.
Жавоб ёзиш
Gulomqodir Askhanov
20/09/2022 16:06
Комерун ва к рикадан кейин кадайдир яхши хулосага келишимиз мумкин булса керак
Жавоб ёзиш
Avaz Begmatov
20/09/2022 12:08
Катанец кегунча бумай колдиларинг. Раз келдими, куйинг уз холига ишласин. Натижа курсатиш унинг интересида борку, максади бор, уз карши бор.
Жавоб ёзиш
&
FANAT M-YU
20/09/2022 07:35
Naqadar qaloq fikrlaysizlar do‘stlar bo‘ldi qililar o‘zlaring nimani qoyillatib qo‘ydilaringi bu yerda mutahassisdek fikr bildirayapsizlar
Жавоб ёзиш
&
Yusupov Ibrohim
20/09/2022 01:07
Jamshid Iskanderovni bir paytlar Paxtakordagi óyinlarini yaxshi eslayman.Óshanda bu bola Messini Ózbekcha variantiku deb yuborgandim.Keyinchalik u jismonan ósa olmadi,katta óyinlarda yóqolib qoldi,terma jamoada umuman boshqa sa'viyada kórindi. Shaxsan agar men terma jamoa murabbiyi bólganimda ham uni óylashib chaqirar edim.Juda unchalik iste'dodli bólmasa ham stabil yigitlar kerak terma jamoaga.
Жавоб ёзиш
&
салахидин
19/09/2022 22:06
Хаммаси расво килади
Жавоб ёзиш
&
Абдурахмон лидер
19/09/2022 19:29
Топ 5 чемпионатида айникса италиянинг а сериясида катнашадиган клубнинг машгулот жараёни бошка клубларникидан ижобий манода анча фарк килади. Шунинг узи катта савия.
Жавоб ёзиш
&
Абдурахмон лидер
19/09/2022 19:26
Шомуродов захирада булса хам колган хужумчилардан анча савияси баландрок хамда формаси хам анча яхширок. Сабаби захирадан тушаётган уйинларида яхши тасурот колдириокда. Шу сабабли бу хакида фикр юритилмагани макулрок.
Жавоб ёзиш