Кавани Бекхэмнинг жамоасига ўтишни истамади

ПСЖ форварди Эдинсон Кавани АҚШнинг “Интер Майами” клубига ўтишни истамади.

 L’Equipe нашри тарқатган хабарга қараганда Дэвид Бекхэмга тегишли бўлган ушбу жамоа вакиллари бу масалада уругвайлик футболчи билан алоқага чиқишган, аммо у яқин орада МЛСга бориш нияти йўқлигини билдирган.

Айтиш керакки, 32 ёшли Каванига Европанинг гранд клублари қизиқмоқда ва шу боис у фаолиятини кўҳна қитъада давом эттиришни режалаштирган.

Маълумот учун, Кавани ПСЖ сафида 2013 йилдан буён тўп суриб келмоқда. У ўтган давр мобайнида жами 283та ўйинда майдонга тушиб, ўз ҳисобига 195 та гол уришга эришди. Унинг парижликлар билан амалдаги шартномаси жорий мавсум якунида ниҳоясига етади.