Кавани Мадрид клубига ўтишга рози бўлди

ПСЖ форварди Эдинсон Кавани фаолиятини “Атлетико”да давом эттиришга яқин турибди.

La Gazzetta dello Sport нашрининг ёзишича 32 ёшли уругвайлик футболчи мадридликлар билан келишувга эришган. Унга кўра Кавани “матрасчилар” билан 2023 йилга қадар шартнома имзолайди ва йилига 12 млн евро маош олади.

Маълумот учун, Кавани жорий мавсум ПСЖ сафида 10 та ўйинда майдонга тушди ва 3 та гол уришга эришди. Унинг парижликлар билан амалдаги шартномаси ёзда ўз ниҳоясига етади.