Каземиро: МЮ билан чемпион бўлишни истайман. Мақсадим жиддий

"Реал" футболчиси Каземиро "Манчестер Юнайтед"га кўчиб ўтгани ҳақида хабарингиз бор. Бугун ярим ҳимоячи мадридликлар билан хайрлашув маросимида иштирок этди ва кўз ёшларини тийиб тура олмади. 

"Реал"да мен яхши футболчи ва инсон бўлиб етишдим. Бу клубдан умрбод миннатдорман. Кўп нарса ўргандим ва ўрганганларимни янги жамоада ҳам синаб кўрмоқчиман. 

Мен "Манчестер Юнайтед" буюк клуб эканини биламан. Бундай жамоаларнинг мақсади ҳам ўзи каби бўлиши керак. "Қизил иблислар" билан чемпион бўлишни хоҳлайман. Бу борада жиддий эканимни билишингизни истардим.

Бунинг учун ҳамма нарсага тайёрман. Агар имконим бўлганида, бугун "Ливерпуль"га қарши ўйинда ҳам майдонга тушишга тайёр эдим", - деди бразилиялик футболчи.