Каземирони “Юнайтед”га ўтишга ким кўндиргани маълум бўлди

“Реал” юлдузи Каземиронинг “Олд Траффорд”га кўчиб ўтгани “Манчестер Юнайтед”нинг энг катта трансферларидан бўлди.

The Athletic нашри бразилиялик юлдузни “Реал”дек қудратли жамоадан ўзини тиклай олмаётган “Юнайтед”га ўтишга ким кўндирганини аниқлади.

Манбанинг таъкидлашича, бу трансферда аввал Каземиро билан бирга мадридликлар шарафини ҳимоя қилган франциялик ҳимоячи Рафаэль Варан муҳим роль ўйнаган.

Варан деярли ҳар куни Каземиро билан гаплашиб, уни Манчестерга келишга  чорлаган. “Манчестер Юнайтед” мутасаддилари таркибда Варан, Каземиро ва Роналду каби ўйинчиларнинг борлиги жамоани Чемпионлар лигасига қайтиришига ишонч билдирмоқда.