Kazemironing goli Braziliyani mag‘lubiyatdan qutqarib qoldi (video)

Singapurdagi "Milliy"  stadionda Braziliya va Nigeriya terma jamoalari o‘rtasidagi o‘rtoqlik o‘yini o‘z nihoyasiga etdi. Qiziqarli va tomoshabop tarzda kechgan uchrashuvda kuchlar teng keldi - 1:1.

35-daqiqada Jo Aribo hisobni ochgan bo‘lsa, 48-daqiqada Kazemiro o‘zining aniq zarbasi bilan muvozanatni tiklashga erishdi.

Quyida ushbu uchrashuvning qisqacha videosharhini tomosha qilishingiz mumkin:

Eslatib o‘tamiz, Braziliya bundan oldin Senegal bilan ham durang o‘ynagan edi. Qizig‘i, o‘sha bahs ham 1:1 hisobi bilan yakun topgan edi.