Кечаги куннинг муҳим хабарлари
Ads

Кеча сайтимизда ўзбек ва хориж спортига оид кўплаб хабарлар чоп этилди. Улар орасида сайтимиз кузатувчилари қуйидагиларни кўпроқ мутола қилишди.

Сиз кечаги кунинг муҳим хабарларини ўтказиб юборган бўлсангиз, унда бу сиз учун айни муддао.

• Айни кунларда Россиянинг Екатеринбург шаҳрида бокс бўйича жаҳон чемпионати бўлиб ўтмоқда.
5 нафар боксчимиз ярим финал йўлланмасини қўлга киритди. Улар Шаҳобидин Зоиров, Миразизбек Мирзаҳалилов, Бобо-Усмон Батуров, Дилшодбек Рузметов ва Баҳодир Жалолов.

• "Ливерпуль" клуби ҳимоячиси Виржил ван Дейк Ла Лига грандларининг эътибор марказида.

AS нашри тарқатган хабарга қараганда, "Барселона" ва "Реал" 28 ёшли голландиялик футболчини келаси ёз сотиб олишга ҳаракат қилади. Ҳозирча, ван Дейкнинг трансфери уларга қанчага тушиши номаълум, аммо “қироллик клуби” ҳам, каталонияликлар ҳам маҳоратли ҳимоячи учун пулни аямоқчи эмас.

• Кеча сайтимизда "Мухлислар нафратланадиган футболчилар" номли мақола чоп этилди. Унда ишқибозлар неча ўша футболчиларни ёмон кўриб қолишгани, ўйинчилар қандай хатога йўл қўйишгани ёки томошабинларнинг нафратига учрагани ҳақида ёзилган.

Рўйхатда Неймар, Икарди, Бэйл ва бошқа бир қатор футболчилар бор. Ажойиб фикрлар илгари сурилган.

• “Ливерпуль” клуби бош мураббийи Юрген Клопп “Наполи”дан (2:0) учралган мағлубиятга изоҳ берар экан жамоаси имкониятлар яратгани, мағлубият эса аламли бўлганини, бу биринчи ўйин эканлиги айтди.
Шунингдек, мураббий шогирдлари ҳужум қилганини, аммо уни якунлай олишмагани ва ушбу ҳолат уларнинг энг асосий муаммоларилигини қўшимча қилди.

• ПФЛ матбуот хизмати 20 сентябрдан старт оладиган Суперлига 20-тур баҳсларининг расмий шахсларини эълон қилди.

Чемпионлик масаласи ҳал этилиши мумкин бўлган ўйин Равшан Абдивоҳидов бошчилигидаги ҳакамлар гуруҳига ишониб топширилди. Яна бир эътиборга молик бўлган беллашувни Зокир Қодиров бошқариб боради.