Кьеллини "Ювентус" билан 2 йиллик шартнома имзолайди

Яқинда Италия терма жамоаси сафида Европа чемпионлигини қўлга киритган тажрибали ҳимоячи Жоржо Кьеллини "Ювентус" билан шартномасини узайтирмоқчи.

Журналист-инсайдер Фабрицио Романонинг маълум қилишича, 36 ёшли футболчи туринликлар билан 2 йиллик шартнома имзолайди.

Кьеллини келгуси йил Қатарда бўладиган жаҳон чемпионатида ҳам иштирок этишни режалаштирмоқда. Қатардаги мундиал тарихда илк бор ёзда эмас, балки ноябрь-декабрь ойларида бўлиб ўтади.

Жоржо Кьеллини ўтган мавсум “Ювентус” сафида А Серияда жами 17 та ўйинда иштирок этди ва 1 та голли узатмага муаллифлик қилди.