Кепанинг босими Алваресга таъсир қилмади

“Манчестер Сити” – “Челси” ўйинининг 30-дақиқасида “аристократлар” дарвозаси томон пенальти белгиланди. 11 метрлик жарима зарбасини Хулиан Альварес голга айлантирди.

Ўша вазиятда Кепа Аррисабалага аргентиналик ҳужумчига босим ўтказишга ҳаракат қилди. Ўйиндан сўнг 22 ёшли футболчи ушбу ҳолат бўйича саволларга жавоб берди.

“Дарвозабонлар ҳар доим ўз ишини қилишади. Бу мени умуман безовта қилмайди. Қайси томонга тепишимни олдиндан ҳал қилгандим ва уни амалга оширдим”, - деди Алварес.