Кевин де Брюйне: “Юнайтед”нинг формасини ёқворайми? (фото)

“Манчестер Сити” плеймейкери Кевин Де Брёйне Play Sports платвормасида ўтказилган Mid Mid поскастида ўзига берилган совғага ҳазил тариқасида жавоб берди.

Подкаст бошовчиси унга “шаҳарликлар”нинг ашаддий рақиби – “Манчестер Юнайтед”нинг 17-рақам ва футболчи номи туширилган футболкасини берди. Дастур ижодкорлари бу Кевиннинг орзуси эканини айтишди.

Де Брюйне ўзини йўқотмади ва “Мен буни ёқиб юборайми?”, деб усталик билан вазиятдан чиқди.

Кевин Де Брёйне “Манчестер Сити”да 2015 йилдан бери ўйнаяпти. Шу пайтга қадар барча турнирларда 318 та учрашувда 87 та гол ва 131 та ассист муаллифи бўлган.