Кейлор Навас "Реал"да қолишига умид қилмоқда

Мадриднинг "Реал" клуби дарвозабони Кейлор Навас янги мавсумда ҳам жамоада қолишга умид қилмоқда.

“Менга “Реал”да ўйнаш имкониятини бергани учун яратганга шукур. Мен ҳар бир ўйинда бор кучимни ишга соламан. Келаси мавсум ҳам жамоада қоламан деб умид қиламан. Мени клуб билан амалдаги шартномам бор. Шу боис энди нима бўлишини кутаман”, - дейди коста-рикалик посбон.

Эслатиб ўтамиз, бундан аввалроқ “Реал”нинг янги мавсумдаги асосий дарвозабони Тибо Куртуа бўлиши ва Навас жамоадан кетиши ҳақида хабарлар тарқалган эди.