Keylor Navas "Real"da qolishiga umid qilmoqda

Madridning "Real" klubi darvozaboni Keylor Navas yangi mavsumda ham jamoada qolishga umid qilmoqda.

“Menga “Real”da o‘ynash imkoniyatini bergani uchun yaratganga shukur. Men har bir o‘yinda bor kuchimni ishga solaman. Kelasi mavsum ham jamoada qolaman deb umid qilaman. Meni klub bilan amaldagi shartnomam bor. Shu bois endi nima bo‘lishini kutaman”, - deydi kosta-rikalik posbon.

Eslatib o‘tamiz, bundan avvalroq “Real”ning yangi mavsumdagi asosiy darvozaboni Tibo Kurtua bo‘lishi va Navas jamoadan ketishi haqida xabarlar tarqalgan edi.