Кейн ўтган мавсум 34 та учрашувда қила олмаган ишини бу мавсум 18 та ўйинда уддалади

"Тоттенхэм" форварди Харри Кейн жорий мавсум фантастик статистика қайд этмоқда.

Жорий мавсум 18 та ўйинда майдонга тушган Кейн “шпорлар”нинг нақд 27 та голида бевосита иштирок этди. Аниқроғи, у бу ўйинларда ўз ҳисобига 14 та гол ҳамда 13 та голли узатма ёздириб қўйди.

Харри Кейн ўтган чемпионатда 34 та ўйинда майдонга тушиб ҳам, бу қадар яхши натижа қайд эта олмаган эди. У 2019/20 йилги мавсумда 24 та гол ҳамда 2 та голли узатмага муаллифлик қилган.