Кейн "Тоттенхэм"дан кетмоқчи

"Тоттенхэм" клуби форварди Харри Кейн мавсум якунлангач жамоадан кетиши мумкин. Бу ҳақда The Times нашри хабар тарқатмоқда.

Юқоридаги манбаага кўра 26 ёшли футболчи “шпорлар” сафида ҳеч қандай соврин юта олмаётгани сабаб шу ҳақда ўйлай бошлаган. Бироқ, лондонликлар уни қўйиб юборишни режалаштиришмаяпти. Жуда катта маблағ таклиф қилинган ҳолатда улар бу борадаги фикрларини ўзгартиришлари мумкин холос.

Маълумот учун, Кейн шу кунгача “Тоттенхэм” сафида жами 262 та ўйинда майдонга тушиб, ўз ҳисобига 171 та гол ҳамда 29 та голли узатма ёздириб қўйишга эришган. Унинг клуб билан амалдаги шартномаси 2024 йилга қадар имзоланган.