Кейннинг келиши “Сити” футболчиларига қимматга тушади
“Манчестер Сити” раҳбарияти бир неча таклифи рад этилганига қарамай, “Тоттенхэм” ҳужумчиси Ҳарри Кейнни олиш фикридан қатмаяпти.
Бу гал “шаҳарликлар” Лондон клубига 120 миллион фунт (140 миллион евро) ва турли бонуслар ваъда қилмоқда. Ҳарри Кейннинг ўзи ҳам Хосеп Гвардиола жамоасига ўтиш илинжида. Манчестерликлар унга йилига 21 миллион евро миқдорида маош тўламоқчи.
“Манчестер Сити” Ҳарри Кейннинг трансферига маблағ жамғариш мақсадида асосий таркибнинг бир неча футболчисини трансферга қўяди. “Шаҳарликлар” биринчилардан бўлиб, Бернарду Силвани сотмоқчи. Чунки бу футболчи Англияга мослаша олмаяпти ва Испания чемпионатига кўчиб ўтишни режалаштирган.
Агар Хосеп Гвардиола трансферлар ойнаси ёпилгунича Ҳарри Кейнни қўлга кирита олмаса, жамоа қишгача бир нафар номинал ҳужумчи – Габриэл Жезус билан қолади.
Фикрлар