Кичик камбэк амалга оширган "Арсенал" 3 поғона юқорилади

Англия Премьер-лигаси 19-туридан ўрин олган "Саутгемптон" - "Арсенал" учрашуви ўз якунига етди. Унда меҳмонлар 3:1 ҳисобида ғалаба қозонди.

Мезбонлар вакили Стюарт Армстронг тезкор голи билан ҳисобни очди. Унинг аниқ зарбасига орадан 4 дақиқа ўтиб, Пепе муносиб жавоб қайтара олди. Шу билан бирга, "канонирлар" беллашув якунига қадар яна 2 та гол уриб, ғалабани тантана қилди.

Ушбу ғалабадан кейин "тўпчилар" сафидаги очколар сони 30 тага етди ва улар 8-ўринга кўтарилди. Ўз уйида имкониятни бой берган "Саутгемптон" 29 очкоси билан 11-поғонада жойлашган.

• 90+5'
  

  Ўйин якунланди. Матнли трансляция Жавоҳир Азимов томонидан олиб борилди!

• 90+2'

  Пепе ўрнига Жо Уиллок майдонга тушди.

• 90+1'
  

  Самуэль Уотс огоҳлантирилди.

• 90'
  

  Ўйиннинг асосий вақтига 5 дақиқа қўшиб берилди.

• 88'

  Валери жарима майдонига тўп узатди. Ҳимоячилар яна яхши ҳаракат қилди.

• 85'
  

  Уорд-Проузнинг зарбасини Лено бартараф этди.

• 83'

  Адамснинг зарбаси ҳимоячилардан ўтмади.

• 80'

  Дэн Лундулу ҳужумда қоида бузди.

• 77'

  Майдон эгалари рақибни ҳимояда кутиб олишни мақсад кутмоқда.

• 74'
  

  Уолкотт ҳамда Уотс захирага олинди. Улар ўрнига Ингс ҳва Лундулу ўйинни давом эттиради.

• 72'
  

  ГООООООООООООООЛЛЛЛЛЛЛЛЛЛЛ! "Арсенал" ҳисобни ишончли кўринишга келтирди!

  Яқин масофадан зарба йўллаган Александр дарвозабонга имконият қолдирмади.

• 72'
  

  Жароҳат олган Смит-Роу ўрнига Виллиан майдонга тушди.

• 70'
  

  Пепе огоҳлантирилди.

• 70'
  

  Эмиль Смит-Роуга тиббий ёрдам керак.

• 66'

  Ҳар икки жамоа вакиллари ҳам эрта прессинг уюштириб, рақибни тезроқ тўпсиз қолдиришга ҳаракат қиляпти.

• 63'

  Қарши ҳужумга ўтган Сака ноаниқ зарбаси билан жамоадошлари ҳафсаласини пир қилди.

• 61'

  Хазенхюттль шогирдлари рақиб жарима майдони атрофида қисқа узатмалар билан ҳимоядаги бўш ҳудудни изламоқда.

• 58'
  

  Давид Луизга тиббий ёрдам керак.

• 56'

  Бельерин марказга узатма амалга оширди. Пепе тўп йўналишини нотўғри томонга ўзгартириб юборди.

• 54'
  

  Бурчакдан оширилган тўпни "канонирлар" узоқлаштирди.

• 52'

  "Авлиёлар" орқа чизиқда тўпни назорати қилишига тўғри келмоқда. "Арсенал" босим уюштиряпти.

• 50'
  

  Уолкоттнинг зарбасидан кейин тўпни Лено ушлаб олди.

• 48'

  Ўйин майдон марказида кечмоқда.

• 46'
  

  Иккинчи бўлим бошланди!

• 46'

  Футболчилар майдонга қайтди. Биз ҳам қайтамиз!

• 45+3'
  

  Танаффус!

• 45+2'
  

  Бурчакдан етказиб берилган тўпни майдон эгалари қайтарди.

• 45+1'

  Диаллонинг узоқ масофадан йўллаган зарбасига аниқлик етишмади.

• 45'
  

  Биринчи таймга 2 дақиқа қўшиб берилди.

• 43'

  Ўйин майдон марказида, тенг курашлар остида давом этмоқда.

• 41'

  Жарима майдони ичида Ляказетт йиқилиб тушди. Ҳакам вазиятга ортиқча эътибор бермади.

• 39'
  

  ГООООООООООООООООЛЛЛЛЛЛЛЛЛЛ! "Арсенал" ҳисобда олдинга ўтиб олди!

  Бирга-бир вазиятга чиқиб борган Сака дарвозабонни алдаб ўтиб, бўш қолган дарвозага тўпни йўллади.

• 37'

  Рақибининг қўпол хатосидан кейин тўпга эгалик қилган Уолкотт пас беришда адашди.

• 34'

  Ляказеттнинг узатмаси шерикларигача етиб бормади.

• 31'

  Адамс ҳужумда қоида бузиш эвазига тўпни олиб қўйди. Ҳакам ўйинни тўхтатди.

• 29'

  Армстронгнинг зарбасидан кейин тўп у кутганчалик айланмади.

• 27'

  Қанотдан яхши ёриб кирган Валери ноаниқ зарба берди.

• 24'
  

  Адамснинг бош билан йўллаган аниқ зарбасини Лено қайтарди.

• 21'

  "Канонирлар" майдон бўйлаб тўпни бир-бирига ошириб, рақибнинг ожиз нуқтисини изламоқда.

• 19'
  

  Тезликда ўтиб кетган рақибини қоида бузиш эвазига тўхтатиб қолган Бельерин  огоҳлантирилди.

• 17'

  Уолкоттнинг жарима майдони ташқарсидан йўллаган зарбасига аниқлик етишмади.

• 16'

  "Авлиёлар" майдон марказида тўпни назорат қиляпти.

• 14'

  Седрикнинг ажойиб зарбаси бироз ноаниқ кетди. Жуда чиройли гол кўришимиз мумкин эди.

• 13'

  Рақибининг тезкор қарши ҳужумини Стефенс бартараф этди.

• 10'

  Бельерин томонидан узатилган тўпни ҳимоячилар майдон ташқарисига чиқариб юборди.

• 8'
  

  ГООООООООООООООЛЛЛЛЛЛЛЛЛЛ! "Арсенал" ҳисобни тенглаштирди!

  Жаканинг пасидан кейин қулай имконият ҳосил қилган Пепе дарвозабоннинг ожиз нуқтасини топа олди.

• 6'
  

  Марказга оширилган тўпга зарба берган Холдинг мўлжалда адашди.

• 4'

  Саканинг хавфли узатмасини ҳимоячилар қайтарди.

• 3'
  

  ГООООООООООООООЛЛЛЛЛЛЛЛЛЛ! Сен урмасанг, сенга уришади!

  Уорд-Проузнинг жарима майдони ичига узатган тўпини Армстронг дарвозага киритди.

• 2'

  Илк вазиятни меҳмонлар юзага келтирди. Бироқ Ляказетт уни гол билан якунлай олмади.

• 1'
  

  Ўйин бошланди!

• 0'

  Футболчилар майдонга тушиб келди. Ўйин бир неча сониялар ичида старт олади.