Килиан Мбаппе: "Биринчи муваффақиятсизликнинг ўзидаёқ менга нисбатан ҳақоратомуз гаплар айтилганини эшитдим"

Мадриднинг "Реал" клуби ҳужумчиси 2021 йилда нега Франция терма жамоасида фаолиятини якунламоқчи бўлгани ҳақида тўхталиб ўтди.

"Мен пенальтини голга айлантира олмадим ва биз ютқаздик. Шу билан бир қаторда Миллатлар лигасида пастки Лигага тушиб кетдик. Шу вақтлар терма жамоадан кетишни хоҳлай бошладим. Ҳеч нима ёқмаётган эди. Мен терма жамоамни ўзимнинг энг устувор вазифам сифатида кўрган эдим, аммо биринчи муваффақиятсизликнинг ўзидаёқ менга нисбатан ҳақоратомуз гаплар айтилганини эшитдим. Ўзимдан сўрадим: "Мен майдонда курашаётган одамлар шуларми?" 2018 йилда Жаҳон чемпионатида ғолиб бўлганмиз, мени эса миллий қаҳрамон деб билишганидан кейин, буларга чидаш осон эмасди. Мен Франция футбол федерацияси президенти ҳузурига бориб, терма жамоадан кетаётганим ҳақида айтганимда, "Сен ростдан ҳам мени шунчаки сенга рухсат бериб юборади деб ўйлаяпсанми?" деб жавоб берган эди", - деди Мбаппе.

Эслатиб ўтамиз, Мбаппе "уч ранглилар" сафида 96та учрашувда майдонга тушиб, 56та гол уришни уддалаган. У яна битта гол урса, терма жамоа тарихидаги энг яхши тўпурарга айланади.