Ким энг кўп ҳақ олади? Мессими ёки Роналду?

Дунёга машҳур France Football нашри Европа кучли бешлик чемпионатларида тўп сураётган энг кўп маош олувчи футболчиларнинг кучли бешлигини тузиб чиқди.

Унга кўра рўйхатнинг энг юқорисидан "Барселона" форварди Лионель Месси жой олди. Таъкидлаш керакки, 31 ёшли аргентиналик футболчининг йиллик оклади 130 миллион еврони ташкил этади.

Иккинчи ўринни эса Мессининг биринчи рақамли рақобатчиси ҳисобланган Криштиану Роналду эгаллаб турибди. "Ювенус" ҳужумчисининг бир йиллик иш ҳақи 113 миллион еврога тенг.

Кейинги ўринларда эса Неймар (ПСЖ 91,5 млн евро), Антуан Гризманн (“Атлетико” 44 млн евро) ва Гарет Бэйл (“Реал” 40,2 млн евро) каби футболчилар бор.