Klinsmann: "Angliya murabbiylar shtabining hali qiladigan ishlari ko‘p"

Germaniyalik sobiq futbolchi Yurgen Klinsmann Angliya terma jamoasining JCh-2022 chorak finalida Frantsiyadan uchralgan mag‘lubiyati (1:2) haqida fikr bildirdi.

"Umuman olganda, Angliya juda yaxshi o‘yin namoyish etdi. Frantsiya - Angliya bahsi yarim final yoki final bo‘lishi kerak edi. Afsuski, jamoalardan biri uyiga qaytishiga to‘g‘ri keldi. Bu jamoalardan qay birinidir kelasi bosqichda ko‘rmaslik achinarli holat.

Biroq Angliya hali ham yillar davomida rivojlanib borishi mumkin bo‘lgan potentsiali yuqori jamoadir. Ularda juda ko‘p iqtidorli o‘yinchilar bor va asta-sekinlik bilan tajriba yig‘ib borishadi, ammo Angliya murabbiylar shtabining hali qiladigan ishlari ko‘p", — deya Klinsmanning so‘zlaridan iqtibos keltiradi Goal.com sayti.

Eslatib o‘tamiz, Frantsiya terma jamoasi JCh-2022 yarim finalida Marokash bilan kuch sinashadi.