Клопп катта трансферни кўзлади

The Sun нашрининг хабар беришича, “Ливерпуль” келаси мавсум олдидан таркибини кучайтириш мақсадида қимматбаҳо футболчини сотиб олади.

Манбанинг таъкидлашича, жамоа бош мураббийи Юрген Клопп “Боруссия”да порлаётган 18 ёшли Жуд Беллингемни ўз шогиржлари орасида кўрмоқчи.

Германиялик мутахассис бу ярим ҳимоячининг мухлиси ҳисобланади ва Жуд “Ливерпуль”нинг майдон марказидаги ўйинини кучайтириши мумкинлигига ишонмоқда.

Ўтган мавсумда 43 та учрашувда олтита гол ва 14 ассист қайд этган Беллингемнинг дортмундликлар билан шартномаси яна уч мавсум давом этади. Бу ўйинчини қўлга киритиш учун 90 миллион евро атрофида харажат қилиш талаб қилинади.