Клопп ниҳоят Еврокубокда зафар қучди, барчасини эса дастлабки дақиқадаги пенальти ҳал этди
Ads

Мураббийлар

Юрген Клопп ва Маурисио Почеттино топ-мураббийлар, бунга шубҳа йўқ. Аммо уларнинг ҳар иккиси Мадридда нималарга қодир эканлигини кўрсатиши лозим эди. Германиялик мутахассис бунга қадар уч бор еврокубоклар финалига чиқиб (2013, 2018 ЕЧЛ, 2017 Европа лигаси) уларнинг барчасида мағлуб бўлган эди. Аргентиналик Почеттино эса 10 йиллик мураббийлик фаолияти давомида бирорта совринни қўлга киритмаган.

"Балки мен ярим финаллардаги ғалабалар сони бўйича рекордчидирман. Бироқ бу ҳақда китоб ёзганимда ҳеч ким уни сотиб олмас эди", -  деб айтиб ўтган эди Клопп финал олдидан.

Тоттенхэм

    UEFA ЧЛ Финал бочқичи Финал

    02/06/2019, 00:00

    0
    :
    2
    Тугади

    Ливерпуль

    • Мохаммед Салах 2'
    • Дивок Ориги 87'

    Стадион: Estadio Wanda Metropolitano 63272 томошабин

    Бош ҳакам: Damir Skomina

    45'
    90'

    23 сониядаги пенальти

    Футбол шундай спорт турики, унда барча нарса 23 сонияда ўзгариб кетиши мумкин. У хатто ЕЧЛ финали бўлса ҳам. Сиз бу ўйин ҳақида кунлаб, ҳафталаб ҳаёл қиласиз. Бироқ тўп Муса Сиссоконинг қўлига тегади ва сизнинг "А" режангиз чиқитга чиқади. Бош ҳакам Дамир Скомина шу оннинг ўзидаёқ "нуқта"ни кўрсатди, VAR'дагилар ҳам словениялик ҳакамнинг қарорини тўғри деб топди. 2-дақиқада эса Муҳаммад Салоҳ 11 метрли жарима зарбасини аниқ амалга оширган ҳолда ҳисобни очмоқди. Бир йил олдингисидан ўзгача манзара. Ўшанда жароҳати боис кўзла ёш билан майдонни тарк этган мисрлик форвард бугун қувончдан сапчиди.

    D7_6qHbWsAAeohU

    Голдан кейинги "Ливерпуль"

    Ўтказиб юборилган голдан сўнг "шпорлар" босим уюштиришга мажбур эдилар. Аммо Почеттино шогирдлари рақибдан ҳайиқиб ўйин кўрсатишди. Улар Салоҳ, Мане ва Фирминодан қўрқиб ҳаракат қилишди. Аслини олганда, "қизиллар"нинг ҳимоя ва ярим ҳимоя чизиғи орасида узилиш юзага келган эди. Шунга қарамай, лондонликлар дастлабки бўлимда айтарли вазият ярата олишмади.

    Кейннинг сояси

    Иккинчи  бўлимда ўйиннинг том маънода очилиши Почеттинога боғлиқ эди. Аргентиналик мутахассис эса иккинчи бўлимда Киран Трипьерга олдинга ўтишга руҳсат берди. Шундан сўнг уларда гол киритиш учун вазиятлар сони кескин даражада ортди. Клопп ҳам ўз ҳамкасбига бу борада муносиб жавоб қила олди. Жароҳатидан тўлиқ соғайиб улгурмаган Роберто Фирмино ўрнига Дивок Оригини, Жоржиньо Вейналдумнинг ўрнига эса универсал бўлган Жеймс Милнерни майдонга ташлади.

    Кўпчилик икки ой ўйин амалиётисиз қолган Ҳарри Кейннинг ўрнига Лукас Моура майдонга тушишини таҳмин қилган эди, аммо Почеттино ярим финал қаҳрамонини 66-дақиқага келибгина майдонга туширди. Аммо бразилиялик форвард Кейннинг сояси ўрнига эмас, Ҳарри Уинкснинг ўрнига майдонга тушди.

    Ориги - плей-офф учун тўпурар

    Учрашув сўнггида "Ливерпул"нинг қарши ҳужумларга таянмаганидан кўпчилик ҳайрон қолган бўлиши мумкин. Клопп жамоани 4-4-2 тактикасига ўтказди ва ҳолдан тойган Салоҳнинг ёнига Оригини ташлади. "Тоттенхэм"га эса бугун гол киритадиган футболчи етишмади. Якунда эса Клоппнинг юриши ўзини оқлади. "Барселона" дарвозасини икки бор ишғол қилган бельгиялик футболчи Мадридда ҳам ишончни оқлади.

    D8AQ4PjXkAAk7mD

    "Тоттенхэм" ва "Ливерпуль" ижросидаги финал ўйини мухлисларга ёрқин ва томошабоп қарама-қаршилик тақдим этмаган бўлиши мумкин. Аммо ЕЧЛни унга муносиб бўлган жамоа қўлга киритди. Бутун мавсумдаги ўйинларни инобатга олганда, албатта. Клопп ҳам ЕЧЛни боши узра баланд кўтаришга муносиб эди.