Клопп уни "Ливерпуль"га олиб келмоқчи

"Ливерпуль" бош мураббийи Юрген Клопп "Челси" ярим ҳимоячиси Мейсон Маунтни ўз жамоасига таркибига қўшиб олмоқчи.

Журналист Нил Жонснинг ёзишича, Англия терма жамоаси футболчисининг ўйинлари немис мутахассисида илиқ таассурот қолдирган. Хусусан, у Моунтнинг самарадорлиги, ақл-заковати, техникаси ва тактик мослашувчанлигини алоҳида эътироф этади.

Ярим ҳимоячининг "Челси" билан шартномаси 2024 йилнинг ёзида якунига етади ва томонлар уни узайтириш борасида ҳалигача келиша олмаяпти.

Мейсон Маунт жорий мавсум АПЛда 23 та ўйинда майдонга тушди ва ўз ҳисобига 3 та гол ҳамда 2 та голли узатма ёздириб қўйди.