Клопп янги мавсум АПЛ бош соврини учун қайси жамоалар фаворит бўлишини айтди

"Ливерпуль" бош мураббийи Юрген Клопп журналистларга келаси мавсумда қайси жамоаларни Англия Премьер лигаси фаворити сифатида кўришини айтди.

"Манчестер Сити” ҳақида ортиқча гапириш шарт эмас. "Челси"ни ҳам алоҳида таъкидлаб ўтиш керак. Биз ўтган мавсум уларга қарши кўп бора ўйнадик, лекин ушбу баҳсларнинг ҳеч бирида “аристократлар”ни мағлуб эта олмадик. Бу билан биз кучсиз жамоамиз деб айтишдан йироқман, шунчаки “Челси” ниҳоятда кучли эканлигини кўрсатади. “Тоттенхэм” ҳам яхши жамоа. Улар Конте бошчилигида мазмунли ўйин намойиш этмоқда.

Шунингдек,  "Арсенал"ни ҳам янги мавсумдан совринлар учун курашга қўшилишига ишонаман. Янги бош мураббий Эрик тен Хаг бошчилигидаги "Манчестер Юнайтед" ҳам асосий даъвогарлардан бири бўлиши мумкин”, — дейди Клопп.

Маълумот ўрнида, жамоалар ҳозир мавсумолди тайёргарлик босқичини ўтамоқда. Премьер лиганинг янги мавсуми август ойида старт олади.