Клублар ўртасидаги ЖЧда Осиёдан 3 клуб иштирок этиши мумкин

AP нашри журналисти Роб Харриснинг Твиттерда ёзишича, ушбу формат 2021 йилдан амалга оширилади.

Унга кўра, 2021 йилнинг 17 июнидан 4  июлига қадар 24 клуб иштирокида клублар ўртасидаги ЖЧ бўлиб ўтади. У Конфедерациялар кубогининг ўрнига ўтказилиши режалаштирилган.

Клублар ўртасидаги ЖЧнинг иштирокчилар тақсимоти қуйидагича кўриниш олган.

1. Европа — 8 жамоа
2. Жанубий Америка — 6
3. Африка — 3
4. Осиё — 3
5. КОНКАКАФ — 3
6. Океания — 1.

Маълумот учун, ҳозирги форматда  ҳар бир қитъанинг Чемпионлар лигасида ғолиб чиққан жамоалар ва мезбон мамлакат чемпиони ўзаро кураш олиб боришади.