Конференциялар лигасида финалчилар аниқланди

Конференциялар лигасининг ярим финал ўйинлари ўтказилди. Унга кўра, "Вест Хэм" сафарда "АЗ"ни мағлуб қилган бўлса, "Фиорентина" "Базель" устидан зафар қучди.

"Аз" - "Вест Хэм" баҳсидаги ягона голни қўшиб берилган дақиқаларда Форнальс урди. Биринчи ўйинда "болғачилар" 2:1 ҳисобида ғалаба қозонганди. Умимий ҳисоб 3:1 кўринишига келди.

"Базель" - "Фиорентина" учрашуви эса 120 дақиқада давом этди. Дастаб Гонсалес ҳисобни очди. Иккинчи бўлим бошида Адмуни имкониятларни тенглаштирган бўлса, Гонсалес дубль қилди. 129-дақиқада Барак ғалаба голини уриб кетди. "Фиорентина" "Базель"ни умумий 4:3 ҳисобида мағлуб қилди.

Шу тариқа, "Вест Хэм" ва "Фиорентина" Конференциялар лигаси финалида ўзаро тўқнаш келади. Мазкур учрашув 8-июнь куни бўлиб ўтади.