Конор МакГрегор ўзи каби машҳур боксчини ММА жангларига тайёрлайди

Бокс бўйича собиқ жаҳон чемпиони Тайсон Фьюри бу йил аралаш яккакурашларда дебют қилишга тайёрлигини айтди.

"Сиз бу йил ММAдаги дебютимни кўришингиз мумкин. Биз Конор МакГрегор билан суҳбатлашдик ва у менга машғулот ўтказиш истагини билдирди. Бу мен учун жуда ажойиб вариант.

Конор  шунчаки, "Тайёр бўлганингиздан сўнг, ишни бошлаймиз. Дублинга келинг ва машғулотларни бошланг"деб айтди. Мен унинг таклифини қабул қиламан "деди Фьюри.

Эслатиб ўтамиз: 31 октябр куни Фьюри  ўзининг WWЕ даги дебютини Браун Строуманга қарши ўтказди.