"Конья-2021". Енгил атлетикачиларимиз ҳам умумий ҳисобда 8 та медаль қўлга киритди

Туркиянинг Конья шаҳрида V Ислом бирдамлик ўйинлари давом этмоқда.

Айни пайтга келиб турнирнинг енгил атлетика беллашувлари ниҳоясига етиб улгурди. Унда вакилларимиз 4 та олтин ва 2 тадан кумуш ҳамда бронза медалларини қўлга киритди.

Анвар Анваров, Шарифа Давронова, Суҳроб Хўжаев ва Сафина Садуллаева шоҳсупанинг биринчи, Светлана Радзивил ва Фарида Солиева иккинчи, Роксана Худоёрова ҳамда Наргиза Қўчқорова учинчи поғонасини банд этди.