Коронавирус сабаб футбол мусобақалари тўхтатилмоқда. Ўзбекистондачи? Суперлига баҳслари давом этадими?

Айни пайтда Европада бир нечта мамлакат ички биринчиликлари коронавирус сабаб тўхтатилмоқда. Вирус спортга, жумладан, футболга ўз таъсирини ўтказмоқда.

Қолаверса, Осиёдаги ЖЧ-2022 саралаши ва ОЧЛ учрашувлари қолдирилди. Ўз навбатида Ўзбекистонда ўтказилиши режалаштирилган халқаро мусобақалар тўхтатилди. Футболда ўйинлар мухлисларсиз ўтказилмоқда.

Ўзбекистон миллий терма жамоасининг Арманистонга қарши ўйини ўтказиладими? - ЎФА матбуот хизматидан жавоб

Хўш, бундай вазиятда Суперлига баҳслари давом эттириладими ёки ўйинлар мухлисларсиз ўтадими? Шу савол билан ПФЛ матбуот хизмати раҳбари Шерзод Ражабовга мурожаат қилдик.

Ташкилот вакили ҳозирча, бу ҳақда ҳеч қандай гап бўлмаганини маълум қилди. Демак, футбол мусобақалари режа бўйича давом этади.