Коростиченко "Локомотив"нинг мағлубиятига қандай изоҳ берди?

Про лиганинг 20-турида пешқадам “Локомотив” Муборакда “Машъал”га қарши баҳс олиб борди. Учрашувда  мезбонлар 2:1 ҳисоби билан ғалаба қозонди. Беллашувдан кейин “Локомотив” бош мураббийи Денис Коростиченко ўз фикрлари билан ўртоқлашди.

- Асрор Алиқуловни ғалаба билан табриклайман. Уни ҳурмат қиламан, инсон ва мураббий сифатида. У менга яқин инсон, яхши танийман. Ушбу мавсум Про-лигада куч борасида ҳеч қайси жамоа «Локомотив»дан кучли эмас. Бошқа ҳеч нима дейишни истамайман.

- Бош ҳакамнинг қарорларини баҳолай оласизми?

- Йўқ.

- Бугунги ўйинда жамоанинг кўплаб футболчилари сариқ карточка олди. «Локомотив» нафақат очколар бўйича, балки, тартиб-интизомда ҳам юқори ўринларда эди. Бу бугунги ўйин билан боғлиқми?

- Савол учун раҳмат. Футболни тушунадиган инсон бугун нималар бўлганини билди. Шу сабабли ортиқча гаплар ҳам шарт эмас.

“Локомотив” матбуот хизмати.