Коутиньо сафга қайтди

"Барселона" клуби вингери Филиппе Коутиньо жароҳатидан соғайиб, умумий гуруҳ машғулотларига қўшилди. Бу ҳақда каталонияликлар расмий сайти хабар тарқатмоқда.

Эслатиб ўтиш лозимки, 26 ёшли бразилиялик футболчи 12 май куни “Хетафе”га қарши баҳсда жароҳат олган эди. Шифокорларнинг сўзларига кўра у 25 май куни “Валенсия”га қарши бўлиб ўтадиган Испания кубоги финалида иштирок эта олади.

Маълумот учун, Коутиньо жорий мавсум Ла Лигада жами 34та учрашувда иштирок этди ва ўз ҳисобига 5та гол ҳамда 2та голли узатма ёздириб қўйишга эришди.